Kryeparlamentari , Afrim Gashi, ka zhvilluar një takim të frytshëm me Ambasadorin e Republikës së Shqipërisë në Shkup, Denion Meidani, ku u diskutua mbi thellimin e bashkëpunimit mes dy vendeve.
Gashi bëri të ditur përmes një postimi në Facebook se gjatë takimit ka adresuar rëndësinë e forcimit të marrëdhënieve bilaterale dhe bashkëpunimit ndërparlamentar ndërmjet Maqedonisë së Veriut dhe Shqipërisë.
Në këtë kuadër, kryeparlamentari Gashi tha se ka ftuar zyrtarisht Kryetarin e sapoemëruar të Kuvendit të Shqipërisë, Niko Peleshi, për një vizitë zyrtare në Shkup, me qëllim të intensifikimit të dialogut dhe bashkëpunimit ndërinstitucional.
