Koalicioni VLEN ka shpallur zyrtarisht kandidaturën për këshilltarë në Komunën e Shuto Orizarës, duke theksuar se ky hap është dëshmi e përkushtimit për një përfaqësim të drejtë, punë të ndershme dhe vizion të qartë për një të ardhme më të mirë.
Bartës i listës së kandidatëve të VLEN-it në këtë komunë do të jetë Enis Zekiri, i cili sipas koalicionit përfaqëson energjinë e re, përkushtimin dhe vizionin për ndryshim.
“Me përgjegjësi të madhe dhe me besim në ndryshimin që na pret, shpallim kandidaturën tonë për këshilltarë në Shuto Orizarë. Bashkë me qytetarët do të ndërtojmë një komunë më të zhvilluar, më të barabartë dhe me më shumë mundësi për secilin,” thuhet në njoftimin e VLEN-it, Dega Shuto Orizarë.
Nga ky koalicion theksojnë se me bartësin e listës Enis Zekiri dhe ekipin e tij, zëri i qytetarëve të Shuto Orizarës do të dëgjohet fuqishëm në institucionet lokale.
