Ministri i Ekonomisë dhe Punës, Besar Durmishi, mbajti sot fjalim në konferencës më të madhe të biznesit në vend, “Udhëheqës biznesi”, e cila bashkon sipërmarrësit, vizionarët dhe kompanitë më të suksesshme që e çojnë përpara ekonominë maqedonase.
Në fjalën e tij, ministri theksoi se kjo konferencë ishte simbol i vullnetit, kapacitetit dhe përgjegjësisë për të forcuar themelet e ekonomisë dhe për të krijuar të ardhme më të mirë për qytetarët.
“Vizioni ynë është i qartë – Maqedonia të bëhet një ekonomi e gjelbër, digjitale dhe inovative, me sipërmarrësi të fortë dhe një kulturë inovacioni në çdo kompani. Vetëm nëpërmjet partneritetit midis sektorit publik dhe privat mund të sigurojmë rritje të qëndrueshme, vende të reja pune dhe një standard më të mirë jetese për të gjithë qytetarët”, tha Durmishi.
