Pasditen e sotme ka shpërthyer një zjarr i madh në Trubarevë të Shkupit, përcjell TV21. Tym i zi i dendur është ngritur lart dhe shihet nga të gjitha pjesët e kryeqytetit. Sipas drejtorit të Drejtorisë për Mbrojtje dhe Shpëtim, Stojançe Angellov, po digjet e ashtuquajtura “Nula Otpad” në Shkup.
Ndërkaq, nga Qendra për Menaxhim me Kriza njoftojnë se tashmë po intervenohet nga autoritetet.
“Nëpërmjet numrit të thirrjeve emergjente E-112 është pranuar raport për një zjarr në Komunën Gazi Babës, saktësisht në fshatin Trubarevë, ku nga flakët është përfshirë fabrika e plastikës. QMK dhe BZ Shkupit janë në vendngjarje, ku po ndërhyhet për shuarjen e zjarrit. Situata po monitorohet”. thonë nga QMK.
