Kanë kaluar më shumë se 24 orë dhe ish-ministri i Punëve të Jashtme, vazhdon të hesht.
Asnjë përgjigje deri më tani e asnjë sqarim.
Asnjë fjalë për 700 mijë eurot që janë zhdukur nga furnizimi i dyshimtë me automjete gjatë organizimit të Këshillit Ministror të OSBE-së në Shkup, në dhjetor të vitit 2023.
Sa për kujtesë:
Ministria e Punëve të Jashtme, gjatë kohës kur drejtohej nga Osmani, ka lidhur një kontratë në vlerë prej 56.640.000 denarësh për marrjen me qira të automjeteve për një konferencë dyditore.
Çmimet e automjeteve ishin:
29.000 denarë në ditë për automjete VIP,
23.000 denarë për automjete të klasës së mesme,
19.200 denarë për automjete 8+1 dhe të gjitha pa TVSH.
E njëjta kompani, vetëm një muaj më herët, ka ofruar të njëjtat automjete për çmime tri herë më të ulëta, për nevojat e përditshme të MPJ-së.
Nga 9.500 denarë për automjet VIP me shofer, në 29.000 denarë për të njëjtën makinë, vetëm sepse bëhej fjalë për një konferencë ndërkombëtare.
Pyetja është shumë e thjeshtë: Kush e përfitoi dallimin prej 700 mijë eurosh?
A u përvetësuan këto para? Dhe në xhepat e kujt përfunduan?
Shumë e qartë:
Ky nuk është gabim administrativ. Kjo është skemë e pastër korrupsioni.
Në kontratë nuk ka pasur asnjë mekanizëm të brendshëm kontrolli që të verifikonte:
Sa automjete janë përdorur realisht?
Çfarë tipi kanë qenë?
Dhe për sa ditë janë angazhuar?
Pse kjo mungesë e qëllimshme transparence? Kush përfitoi nga kjo errësirë institucionale?
Enti Shtetëror i Revizionit ka konstatuar tashmë parregullsi serioze dhe lënda është në Prokurorinë Publike.
Por kjo nuk mjafton.
Qytetarët meritojnë përgjigje. Transparenca është detyrim, jo zgjedhje.
Prandaj, sot e përsërisim publikisht:
Ku përfunduan 700 mijë eurot?
Kush e aprovoi këtë furnizim me çmime të fryra trefish?
Pse shteti u dënua të paguajë më shumë për të njëjtën shërbim?
Heshtja jote është pranim.
Dhe qytetarët nuk do të lejojnë më këtë kulturë të mosllogaridhënies.
https://www.facebook.com/share/v/1YNfyMSxpq/
