Zëvendëskryeministri dhe një nga liderët e VLEN-it, Arben Fetai, në përgjigjen e tij ndaj pyetjes së deputetit të AKI-së, Ilir Asani, tha se opozita është në një krizë të thellë dhe se sondazhet flasin qartë për humbjen e tyre në zgjedhjet lokale.
“Ju jeni në hall të madh. Siç i shohim ne sondazhet, i shihni edhe ju. E dini çfarë cunami ju pret në të gjitha komunat me shumicë shqiptare. E dimë se assesi nuk jeni ambientuar me rolin tuaj në opozitë. Për 15 muaj sa jeni në këto ulëse pranë LEVIC-ës atje lart, nuk kemi parë asnjë nismë nga ana e koalicionit tuaj”. tha Fetai.
Ai theksoi se shqiptarët sot jetojnë më mirë me qeverisjen e VLEN-it sesa gjatë 22 viteve të qeverisjes së kaluar.
“Shqiptarët janë shumë më mirë në qeverisjen e VLEN-it për këto 15 muaj sesa ishin gjatë qeverisjes suaj korruptive për 22 vite me radhë,” theksoi ai, duke rikujtuar se epoka e privilegjeve, korrupsionit dhe abuzimeve ka marrë fund.
Fetai opozitës shqiptare: Ju pret cunami në komunat shqiptare!
