Kandidati për kryetar të Komunës së Sarajit nga koalicioni VLEN, Muhamed Elmazi, ka prezantuar bartësin e listës për Këshillin Komunal, Amir Idrizin.
Idrizi, një i ri i diplomuar në Fakultetin “Shën Kirili dhe Metodi” në Shkup, drejtimi Menaxhim me Financa, shihet si përfaqësues i gjeneratës së re të profesionistëve të përgatitur. Ai vjen me energji, entuziazëm dhe vizion modern, ndërsa synon të sjellë transparencë, zhvillim dhe ide të freskëta në qeverisjen lokale.
Elmazi tha se së bashku me ekipin e tij është i bindur se do të sjellin ndryshimin që Saraji e ka pritur prej kohësh.
“VLEN për Sarajin, VLEN për të ardhmen!”, theksoi kandidati për kryetar të komunës, Muhamed Elmazi.
