Kandidati për kryetar të komunës së Tetovës nga koalicioni VLEN, Bilall Kasami në hapjen e Shtabit zgjedhor sonte në Çair tha se “e fitume është Çairi, patjetër”.
Siç tha Kasami, mesazhi është kështu: si jeni të bashkuar, burra dhe gra, të rinj e të reja, të trokasim në çdo derë të banorëve dhe të përcjellim mesazhin se për Çairin ka vetëm një kandidat dhe ai është Izet Mexhiti.
“Bujar Osmani mund të bëhet gjithçka, por jo kryetar i Çairit dhe këtë e di më së miri vetë Buiari që është futur në garë”, tha Kasami.
Sepse, shtoi ai, edhe Bujari e di mirë se çdokush tjetër se Çairin e zhvilloi Izeti edhe përkundër asaj që u përmend se politika u mundua ta izolojë Çairin, por Izeti gjeti mënyrën t’i japë zhvillim.
“Në mandatin e ri Izeti do ta zhvillojë Çairin, jam më se i bindur se edhe ata nga BDI dhe këtij koalicioni që ndërrojnë emrin për çdo ditë (duke aliuduar në AKI-në), ne do të fitojmë dhe fitorja do të jetë shumë e fortë. Tani me mandatin e fundit Izeti do ta kthejë Çairin aty ku është”, ka shtuar tutje Kasami.
Ai në fund të fjalës së tij dërgoi edhe një porosi të fortë deri te kandidati i BDI-së për Çairin:
“Ftesë për Bujarin. Nëse do ta vazhdojë politikën me dinjitet le të vijë në VLEN dhe do ta kandidojmë për Qytetin e Shkupit sepse Danella (Arsovska) i poshtëroi ata dhe jo Izetin”.
