Të gjithë të lënduarit në aksidentin që ndodhi pasdite në rrugën kryesore Gostivar–Kërçovë, janë jashtë rrezikut për jetë, njofton TV21.
Katër prej tyre ndodhen në klinikat në Shkup, ndërkaq njëri mbetet në Spitalin e Gostivarit.
Aksidenti përfshiu katër motoçikleta dhe katër automjete pasagjerësh, nën rrethana ende të paqarta. Për shkak të ngjarjes, trafiku në këtë rrugë u ndërpre nga ora 16:00, por që nga ora 18:30 është rikthyer normaliteti dhe qarkullimi zhvillohet në të dy drejtimet pa bllokime, njoftoi zëdhënësi i Sektorit të Punëve të Brendshme në Tetovë, Fatmir Rexhepi.
