Koalicioni VLEN ka hapur zyrtarisht shtabin zgjedhor në komunën e Butelit, në kuadër të zgjedhjeve lokale të 19 tetorit. Në këtë ngjarje, e cila u zhvillua në prani të krerëve të VLEN-it, u promovua edhe lista e kandidatëve për këshilltarë, e cila do të udhëhiqet nga Behar Rexhepi.
Njëri nga liderët e VLEN, Zeqirija Ibrahimi, në fjalën e tij theksoi se Buteli është pjesë e pandashme e Shkupit dhe se shqiptarët në këtë komunë po rriten çdo ditë në numër, në vetëdije dhe në zë. “Tash është koha që ky zë të kthehet në fuqi vendimmarrëse”, tha ai.
Ibrahimi kujtoi edhe fitoren e 8 majit të vitit të kaluar, duke apeluar që më 19 tetor qytetarët të vulosin ndryshimin përfundimtar në Butel. “VLEN për Butelin!”, ishte mesazhi i tij përmbyllës.
