Kryeparlamentari Afrim Gashi, ka realizuar një takim lamtumirës me Ambasadoren e Zvicrës, znj. Veronique Ullmann. Gashi i shprehu mirënjohje të thellë për përkushtimin dhe mbështetjen e saj të vazhdueshme në forcimin e marrëdhënieve miqësore dhe bashkëpunimit ndërmjet dy vendeve tona.
Në takim u vlerësua lart kontributi i ambasadores Ullmann në fuqizimin e kapaciteteve parlamentare dhe përkrahjen e projekteve për avancimin e demokracisë në vendin tonë. Kryeparlamentari Gashi i uroi Ullmann shumë suksese në angazhimet e ardhshme, duke shprehur besimin se miqësia dhe bashkëpunimi mes Maqedonisë së Veriut dhe Zvicrës do të vazhdojnë të forcohen dhe thellohen edhe më tej.
