Ministri i Ekonomisë dhe Punës, Besar Durmishi, ka vizituar sot Njësitin e Zjarrëfikësve në Tetovë, ku në kuadër të Planit Operativ për Punësim janë punësuar 57 të rinj.
Durmishi përmes rrjeteve sociale theksoi se këta të rinj kanë fituar jo vetëm mundësinë e re për punësim, por edhe po i shërbejnë komunitetit me përkushtim dhe përgjegjësi të lartë.
“Ky është qëllimi ynë, të krijojmë vende pune të qëndrueshme, të mbështesim të rinjtë tanë dhe të forcojmë institucionet publike që mbrojnë jetën dhe sigurinë e çdo qytetari. Ne do të vazhdojmë me përkushtim që çdo ditë të sjellë më shumë mundësi, më shumë siguri dhe më shumë besim për qytetarët tanë”, shprehet ministri.
Me këtë hap, sipas tij, po dëshmohet se Plani Operativ për Punësim nuk është vetëm politikë në letër, por realitet që po prek jetën e qytetarëve dhe komuniteteve në mbarë vendin.
Durmishi nga Tetova: 57 të rinj të punësuar si zjarrfikës, dëshmi e suksesit të “Planit Operativ”
