Sonte, në një atmosferë madhështore me praninë e qindra qytetarëve, koalicioni VLEN hapi shtabin zgjedhor në Sllupçan, duke dhënë sinjalin e qartë se Likova është gati për ndryshim.
Likova dhe Sllupçani, bastioni i luftës dhe kala e pamposhtur e shqiptarëve, meritojnë shumë më tepër se kaq vite të humbura nën keqqeverisje. Qytetarët nuk mund të vazhdojnë të jetojnë në kushte që i detyrojnë të shpërngulen në Evropë. Likova meriton kthim të investimeve, zhvillim të qëndrueshëm dhe standard jetese si çdo komunë tjetër në vend.
Liderët e VLEN-it theksuan se Likova dhe Sllupçani kanë qenë bastion i luftës dhe kala e pamposhtur, prandaj meritojnë shumë më tepër investime dhe përmirësim të standardit jetësor. Ata theksuan se nuk është e pranueshme që edhe pas kaq vitesh qytetarët e Likovës të jetojnë në kushte që i detyrojnë të shpërngulen në Evropë, ndërkohë që të gjitha sakrificat e vitit 2001 kërkojnë një përgjigje të dinjitetshme.
Kandidati i VLEN-it për kryetar të Komunës së Likovës, Nexhmedin Sadiku, i dalë nga familja e dëshmorëve, është garancia e këtij ndryshimi. Ai, bashkë me qytetarët dhe me përkrahjen e VLEN-it, do të kthejë mundësitë e humbura në projekte konkrete: infrastrukturë moderne, arsim cilësor dhe shërbime publike transparente.
Ne dërgojmë një mesazh të qartë qytetarëve të Likovës: mashtrimet kanë marrë fund! Koha e atyre që u pasuruan mbi kurrizin e popullit ka kaluar. Çdo denar do të kthehet në investime për komunën, për fshatrat dhe për çdo familje.
Atmosfera e jashtëzakonshme e hapjes së shtabit është dëshmia më e qartë se qytetarët janë të bashkuar. Likova është me VLEN-in, Sllupçani është me VLEN-in, dhe fitorja është e pashmangshme.
Fitorja fillon nga Likova dhe përhapet në gjithë vendin!
