Veteranët e UÇK-së kanë reaguar sot pas videos ku shihet Ali Ahmeti dhe djali I tij duke kaluar pa pritur radhë në vendkalimin kufitar, edhe atë me vetura super luksoze.
Në një reagim nga Klubi i Veteranëve të Brigadës 112 thuhet se pamjet ku Ahmeti udhëton me vetura me xhama të zinj, e pas tij djali me Porsche në vlerë qindra mijëra euro, trondisin opinionin dhe trazojnë plagët e ish-ushtarëve, veteranëve dhe familjeve të dëshmorëve.
“Ali me vetura me xhama të zinj, vila e kulla! Nipi me qendër tregtare ‘Soriavia’ mbi 30 milionë euro! Djali me Porsche qindra mijëra euro… E derisa Ali Ahmeti shitet si patriot dhe flet për kombëtaren, atë dhe familjen e tij I ka mbuluar luksi dhe milionat!”, thuhet në reagim.
Veteranët pyesin publikisht Ali Ahmetin:
“Cili nga fëmijët e dëshmorëve, ish-ushtarëve dhe veteranëve të UÇK-së ka blerë Porsche, qendra tregtare apo vila në bregdet?”
Sipas tyre, vetëm nëse ka përgjigje për këtë pyetje, atëherë Ahmeti ka të drejtë të flasë në emër të shqiptarëve dhe të shitet si patriot.
