Jasir Asani do të veshë fanellën e Esteghlalit më shpejt se pritej. Raportimet e fundit nga Irani tregojnë se klubi i ri i sulmuesit të Kombëtares shqiptare, ka vendosur të paguajë për ta pasur në skuadër që tani.
Sipas tyre do të jenë plot 1 milionë dollarë që kalojnë në arkën e Guangju. Klubi i Koresë së Jugut përfiton kështu të ardhura të konsiderueshme. Kjo sepse pas disa muajsh Asani mund të largohej me parametra zero.
Për Asanin do të jetë eksperienca e parë në Iran. Tifozët po e presin me padurim dhe mbështetjen e tyre e kanë shprehur përmes rrjeteve sociale.
Asani u kthye në lojtarin më të rëndësishëm të Guangju. Prej janarit të vitit 2023, anësori spikati me golat e tij.
