Pas shpalljes së kandidaturës për kryetar të komunës së Haraçinës nga radhët e VLEN-it, Daut Beqiri ka nisur një mobilizim të paparë, duke e kthyer çdo takim, çdo vizitë e çdo tubim në një demonstrim të fuqisë qytetare dhe të bashkimit.
Në këto ditë, Beqiri është bërë adresë ku bashkohen të gjithë: Mërgata, e cila kurrë nuk e ka harruar vendlindjen, sot e gjen te Dauti njeriun që garanton shndërrimin e dashurisë së tyre për Haraçinën në projekte konkrete; Ekspertët, si Agron Beqiri, magjistër dhe profesionist i projekteve evropiane, të cilët sjellin dije dhe përvojë për ta çuar komunën drejt standardeve evropiane; Shoqatat nga Turqia dhe më gjerë, si “Breza” nga Stambolli, që sjellin donacione, mbështetje e kujdes për njerëzit e Haraçinës; Sportdashësit, rinia dhe esnafët, të cilët sot e shohin se Haraçina nuk ka më kohë për eksperimente, por ka nevojë për një vizion të qartë dhe duar të pastra.
Një shembull i veçantë është mërgimtari Lutfi Ramani, i cili edhe pse jeton jashtë vendit, kurrë nuk e harron fshatin e tij dhe është gjithmonë gati të kontribuojë për të mirën e përbashkët.
“Daut Beqiri nuk është thjesht kandidat për kryetar, ai është simbol i një Haraçine të re, të bashkuar dhe dinjitoze. Ai po i kthen shpresën qytetarëve se kjo komunë mund të bëhet model i zhvillimit dhe i qeverisjes me përgjegjësi”, shprehen qytetarët që çdo ditë i bashkohen karvanit të fitores.
Mobilizimi i sportdashësve, i rinisë, i mërgatës dhe ekspertëve dëshmon se VLEN dhe Daut Beqiri janë garanca e një Haraçine që më në fund do të jetë aty ku e Meriton, e respektuar, moderne dhe me dinjitet të plotë.
