Stojançe Angelov, ish-drejtori i Qendrës për Menaxhim me Kriza, i cili tani është në krye të Drejtorisë për Mbrojtje dhe Shpëtim në Maqedoninë e Veriut, ka deklaruar në formularin për pasuri dhe të ardhura se merr një pagë neto mujore prej 116.000 denarësh, që është rreth 2.000 euro.
Pas një vendimi të qeverisë për rritjen e koeficientit të llogaritjes së pagave për funksionarët, paga për këtë pozitë është rritur ndjeshëm. Më herët, paga mujore ka qenë 92.375 denarë, ndërsa pas rritjes përllogaritet të jetë 105.159 denarë, sipas llogaritjeve të sindikatave – një rritje prej afro 13.8%.
Përveç pagës mujore, Angelov ka deklaruar gjithashtu se merr edhe 31.000 denarë si kompensim për invaliditet ushtarak që ka të bëjë me konfliktin e vitit 2001, që ky kompensim siç mësohet i takon sipas Ligjit për “branitellat”. Stojançe Angelov është pjesë e qeverisë aktual si kryetar i partisë “Dinjiteti”, ndërsa i ishte pjesë edhe e ish-Qeverisë së LSDM dhe BDI, duke mbajtur postin e njejtë të drejtorit.
