Në një atmosferë entuziazmi dhe pjesëmarrjeje të gjerë qytetare, karvani zgjedhor i koalicionit VLEN ndaloi në Kërçovë, ku u hap zyrtarisht shtabi i fitores me kandidatin Fatmir Limani.
Ngjarja u përshëndet nga zëvendëskryeministri Arben Fetai, i cili theksoi rëndësinë historike dhe simbolike të Kërçovës si një qytet që gjithmonë ka qenë në anën e drejtë të historisë dhe në ballë të lëvizjeve kombëtare.
“Këtu nis rrugëtimi i pandalshëm drejt një Kërçove më të mirë, që e presin të gjithë. Kërçova po bëhet shembull i unitetit, vendosmërisë dhe forcës për ta sjellë ndryshimin”, shkroi Fetai në rrjetet sociale.
Ai shprehu bindjen se me kandidaturën e Limanit, qytetarët e Kërçovës do të kenë mundësinë të zgjedhin një drejtim të ri dhe të sigurt për të ardhmen e qytetit.
Sipas Fetait, VLEN-i me Fatmirin dhe Kërçova me ndryshimin janë mesazhet kyçe të kësaj fushate, e cila synon të sjellë transformim konkret dhe përfaqësim të denjë për qytetarët.
