Pas takimit me presidentin rus Vladimir Putin, presidenti amerikan Donald Trump zhvilloi një bisedë telefonike me presidentin ukrainas Volodymyr Zelensky, ku morën pjesë edhe disa liderë evropianë dhe zyrtarë të lartë amerikanë.
Në thirrje ishin të pranishëm përfaqësues të NATO-s dhe BE-së, si dhe liderë nga Britania, Gjermania, Italia, Finlanda e Polonia. Nga pala amerikane morën pjesë edhe Sekretari i Shtetit Marco Rubio dhe emisari për Lindjen e Mesme, Steve Witkoff.
Sipas gazetarit amerikan Barak Ravid, biseda nuk ishte e lehtë. Trump përcolli mesazhin e Putinit, duke theksuar se ai nuk kërkon vetëm armëpushim, por një marrëveshje të plotë paqeje – që Trumpi e mbështeti si alternativën më të mirë.
Trump dhe Zelensky pritet të takohen personalisht të hënën në Zyrën Ovale.
