Kryetari i Komunës së Tetovës, Bilall Kasami, ka bërë të ditur se është hedhur hapi i parë për ndërtimin e Qendrës Klinike moderne në qytet, një investim që kap vlerën mbi 70 milionë euro.
Në ceremoninë e fillimit të projektit, krahas kryetarit Kasami, morën pjesë edhe ministri i Shëndetësisë, Azir Aliu, si dhe drejtori Erzen Elezi. Sipas Kasamit, ky projekt shënon një epokë të re për shëndetësinë në Tetovë dhe rajon.
“Nga errësira e dështimeve të së kaluarës, drejt një të ardhmeje që VLEN. Komuna e Tetovës do të japë mbështetje të plotë për realizimin e këtij projekti madhor,” – u shpreh kryetari Kasami.
Qendra Klinike e re pritet të ofrojë kushte moderne për trajtim mjekësor, duke rritur cilësinë dhe qasjen në shërbime shëndetësore për mijëra qytetarë.
