Në hapësirat e Partisë Progresive Serbe (SNS) në Novi Sad, mbështetës të kësaj partie u përplasën me qytetarë, ndërsa një person u fotografua me pistoletë në dorë.
Qytetarët iu afruan nga prapavija objektit të SNS-së në Bulevardin e Çlirimit dhe pasoi një konflikt. Një nga të pranishmit shtiu në ajër, ndërsa disa nga qytetarët u larguan.
Më pas mbërriti kordoni i xhandarmërisë, i cili ndau qytetarët nga mbështetësit e SNS-së, raportoi “Razglas News”.
Siç shihej në pamjet e N1, qytetarët iknin me panik duke thënë se dikush kishte nxjerrë armë.
Ministri i Punëve të Brendshme, Ivica Daçiç, deklaroi se personi që kishte nxjerrë pistoletën para selisë së SNS-së në Novi Sad, gjatë konfliktit mes mbështetësve të SNS-së dhe qytetarëve, ishte oficer i ushtrisë serbe dhe se “gjoja ishte në detyrë zyrtare për të siguruar një person të mbrojtur”.
