Ministria e energjisë, minierave dhe burimeve minerale ka zbatuar një masë që synon drejtpërdrejt segmentin më të ndjeshëm të popullsisë – konsumatorët e cenueshëm të energjisë. Me hyrjen në fuqi të shpalljes publike, ministria ka filluar të shpërndajë kondicionerë inverter me efikasitet energjetik për vitin 2025, të cilët do të përmirësojnë cilësinë e jetës dhe do të ulin kostot e energjisë në mijëra shtëpi maqedonase.
Masa realizohet në përputhje me Programin për ndryshimin dhe plotësimin e programit për mbrojtjen e konsumatorëve të cenueshëm të energjisë për vitin 2025 (“Gazeta Zyrtare e RMV” Nr. 161/25). Sipas Shpalljes publike për të mbështetur familjet që bien në kategorinë e konsumatorëve të cenueshëm të energjisë, me qëllim promovimin e efikasitetit të energjisë dhe përmirësimin e cilësisë së jetës, familjet e kualifikuara do të marrin kondicioner inverter të blerë dhe të instaluar me një fuqi prej 3.5 kW dhe një klasë energjie prej të paktën A+. Këto pajisje jo vetëm që kursejnë energji elektrike, por gjithashtu ofrojnë efikasitet të lartë për ngrohje dhe ftohje – pikërisht aty ku nevojitet më shumë.
Afati i fundit për aplikim është 60 ditë nga dita e publikimit të shpalljes në gazetën e ditore Më shumë informacion si dhe formularët e kërkuar të aplikimit publikohen në web faqen e internetit të Ministrisë: www.energy.gov.mk .
Më poshtë është teksti i plotë i shpalljes publike, me qëllim informimin e saktë të qytetarëve për kushtet dhe afatet.
Publikohet Shpallja: Klima inverter për familjet të cenueshme – Ministria e energjisë ndan 170 milionë denarë për të luftuar varfërinë energjetike
