Kryeparlamentari Afrim Gashi ka njoftuar me entuziazëm fillimin e ndërtimit të çerdhes së parë në fshatin Hasanbeg të komunës Gazi Babë, duke përshëndetur marrëveshjen e nënshkruar për ndërtimin dhe adaptimin e objekteve për mbrojtje të fëmijëve dhe përkujdesje sociale me tetë komuna.
“Si dikush që vjen nga kjo komunë dhe që e njeh mirë nevojën për investime të tilla, ndihem veçanërisht i gëzuar për këtë hap të rëndësishëm për familjet dhe fëmijët tanë”, tha Afrim Gashi, duke theksuar rëndësinë e këtij projekti për komunitetin lokal.
Ai shtoi: “Kur institucionet bashkëpunojnë, rezultatet nuk mungojnë. Urime për këtë arritje të madhe që do të përmirësojë jetën e shumë familjeve”.
