Njëri mbi veturë, njëri vallëzon me derë të hapur e tjetri ka dalë në dritare. Vetura pa targa nëpër rrugët e Shkupit, drejtohej nga një 20 vjeçar i cili nuk e ka as patentën e shoferit, duke rrezikuar sigurinë në komunikacion. Këta të rinj ishin duke realizuar trendin e famshëm nga TIkToku, Aura farming. Duke dashur të bëhen të famshëm përfunduan në polici. Nga Ministria e Brendshme thonë se janë identifikuar adoleshentët, janë ngritur akuza dhe se po ndërmerren masa shtesë për të sqaruar plotësisht rastin.
“Lidhur me videon që u shpërnda në rrjetet sociale, Ministria e Punëve të Brendshme njofton opinionin se menjëherë janë ndërmarrë masa dhe veprime, personat janë identifikuar, është kryer bisedë zyrtare me ta dhe ndaj tyre do të ngrihen padi përkatëse në përputhje me Ligjin për Sigurinë në Trafikun Rrugor dhe Ligjin për Automjetet”, tha Goce Andreevski – zëdhënës.
Trendi “Aura Farming” e ka prejardhjen nga një festival tradicional indonezian i quajtur Pacu Jalur, ku djem të rinj performojnë mbi një varkë garuese për të motivuar ekipin. Në verën e vitit 2025, një video e Rayyan Arkan Dikha, një 11-vjeçar që qëndronte në majë të varkës me vetëbesim dhe stil unik, u bë viral në rrjetet sociale.
Sfida të ngjashme mund të shihen plot nëpër rrjetet sociale. Ka pasur raste që disa prej tyre kanë përfunduar me fraktura, madje edhe me fatalitet.
https://www.facebook.com/share/v/174j1ocCXh/
