Brohoritjet josportive në ndeshjen në Kumanovë janë nën hetim nga prokuroria dhe policia. Disa persona të përfshirë u thirrën për një intervistë informative, thonë nga Prokuroria Publike.
Nga Prokuroria për “TV 24” thonë se identifikimi është duke vazhduar.
“Është lëshuar gjithashtu një urdhër për të siguruar pamjet e kamerave të mbikëqyrjes me qëllim identifikimin e autorëve të mundshëm”, thonë nga Prokuroria.
Për thirrjet nacionaliste në Kumanovë kanë reaguar udhëheqësit politik në vend, si dhe Shqipëria dhe Kosova./Telegrafi/
