Reshjet e fuqishme të shiut dhe breshërit kanë përfshirë disa rajone të vendit, duke përfshirë Brezovicën, Gjilanin, Ferizajn dhe disa fshatra të Gjakovës.
Stuhi të pasdites së sotme kanë përmbytur rrugë, e oborre, ndërsa pamjet e publikuara në rrjetet sociale tregojnë nivel të lartë të ujit dhe breshër të dendur në shumë zona.
Në Brezovicë, një nga destinacionet më të njohura turistike në Kosovë, rruga kryesore që çon në qendrën turistike është bërë e pakalueshme për shkak të vërshimeve.
Ndërkohë, përmbytje janë raportuar edhe në Gjilan dhe Ferizaj. Në Gjilan, disa rrugë urbane janë mbuluar nga uji, duke vështirësuar qarkullimin dhe duke rrezikuar bizneset dhe banesat në nivelet e ulëta.
https://fb.watch/BgynbV5HAb/
Në komunën e Gjakovës, disa fshatra janë përballur me reshje të dendura të shoqëruara me breshër. Pamje të publikuara tregojnë oborre të mbuluara nga uji dhe breshëri i madh.
https://www.facebook.com/share/v/1CuLLvy9VJ/
Kompania për Distribuimin e Energjisë Elektrike në Kosovë njoftoi se një numri “të konsiderueshëm” të konsumatorëve u është ndalur rryma në pjesë të vendit, veçanërish në rajonin e Anamoravës, për shkak të reshjeve të shiut e breshërit. KEDS tha se ekipet e tyre janë në terren dhe po punojnë “pa ndërprerje” për ta rikthyer energjinë elektrike” sa më shpejt që të jetë e mundur”.
