Ngjarja në Kumanovë ishte një incident i rëndë, i cili shqetësoi të gjithë opinionin. VLEN e dënoi ashpër atë.
Megjithatë, ndryshe nga koha kur BDI ishte pjesë e qeverisë dhe raste të tilla mbuloheshin dhe injoroheshin, sot shteti reagon shpejt, me vendosmëri dhe në mënyrë transparente.
Prokuroria Publike tashmë ka hapur lëndë, dhe Ministria e Brendshme po kryen një hetim dhe tashmë po thirren në bisedim të dyshuarit.
Kjo është provë se sot institucionet po funksionojnë. Sot shteti nuk fshihet, nuk po përpiqet ta relativizojë problemin dhe nuk po mbron askënd.
Për dallim nga kjo, gjatë epokës së BDI-së, raste shumë më serioze të dhunës, diskriminimit dhe tragjedive u mbuluan, pa asnjë dorëheqje të vetme dhe pa asnjë përgjegjësi:
• Monstra, ku shqiptarët u akuzuan si terroristë pa prova;
• Lagjja e Trimave, ku 10 shqiptarë u vranë në një aksion të dyshimtë policor;
• Rasti Alfa, një proces i montuar me vendime të padrejta;
• Vrasja e Harun Aliut, një ish-luftëtar i UÇK-së, në rrethana të paqarta;
• Shkupi 2014 – një projekt pa asnjë element shqiptar në zemër të kryeqytetit;
• Përmendojra e Car Dushanit në qendër të Shkupit;
• 27 prilli, kur deputetët shqiptarë u rrahën në Parlament, pa asnjë reagim të vërtetë politik;
• Spitali Modular në Tetovë, ku vdiqën qytetarë të pafajshëm, pa dorëheqje dhe llogaridhënie;
• Durmo Tours dhe Besa Trans, ku vdiqën dhjetëra e dhjetëra shqiptarë, dhe BDI heshtte dhe askush nuk u mbajt përgjegjës.
BDI sot flet për patriotizëm dhe dinjitet, por harron historinë e saj të errët të heshtjes, servilizmit dhe mbulimit të tragjedive.
Mesazhi ynë është i qartë:
Sot shteti nuk hesht. Sot ka një reagim, një hetim dhe përgjegjësi. BDI duhet të ndalet me fjalët boshe dhe të përballet me të vërtetën për historinë e saj njëzetvjeçare të turpit politik.
