Me përfundimin e procesit të punësimit në Institutin për Mjekësi të Transfuzionit, janë integruar 23 profesionistë të rinj shqiptarë, duke adresuar një problematikë disavjeçare të angazhimeve me kontrata të përkohshme në këtë institucion. Ky zhvillim përforcon kapacitetet profesionale dhe garanton stabilitet më të madh në sektorin e transfuzionit.
Drejtori i Institutit, Amir Elezi, theksoi se ky arritje është rezultat i angazhimit të vazhdueshëm dhe përkushtimit të Qeverisë së VLEN për forcimin dhe zhvillimin e shëndetësisë në vend. “Ky sukses dëshmon se investimi në njerëzit dhe infrastrukturën shëndetësore është prioriteti ynë kryesor”, tha Elezi.
