Kryetari i Qeverisë së Maqedonisë së Veriut, Hristijan Mickoski, sot duke u përgjigjur në pyetje gazetareske në lidhje me mbështetjen për shkencën, potencoi se Qeveria ka dyfishuar buxhetin për shkencën dhe ka siguruar qasje falas në dy bazat e të dhënave më të mëdha të revistave shkencore.
“Gjëja e parë që do të thoja është se buxheti për shkencën është dyfishuar këtë vit krahasuar me vitin e kaluar. A është kjo e mjaftueshme, meqenëse vij nga shkenca, do t’ju them jo, por sigurisht që është më shumë se sa ishte vitin e kaluar, mendoj rreth 650-660 milionë denarë. Qëllimi ynë është të stimulojmë shkencën, dhe në këtë drejtim është edhe aktiviteti i Qeverisë për t’u siguruar të gjithë shkencëtarëve, si të rinjve ashtu edhe atyre më me përvojë, qasje falas në dy baza të dhënash të revistave shkencore. Nëse në të kaluarën kjo ishte me pagesë dhe e vështirë e qasshme, tani e kanë falas, shteti e ka mbuluar për të gjitha universitetet dhe pres që shkencëtarët e rinj të vazhdojnë të sillen në atë drejtim, domethënë t’i përdorin këto baza të dhënash të revistave shkencore dhe të ndjekin trendet globale, dhe kështu të publikojnë më tej punimet e tyre shkencore, dhe kështu të kontribuojnë që universitetet tona të afrohen drejt 1 mijë të parët sipas Listës së Shangait për universitetet, e cila është një nga listat më të rëndësishme të referente në botë, dhe pres që kjo të ndodhë gjatë këtij mandati të kësaj Qeverie. Si qeveri, ne po bëjmë gjithçka”, u përgjigj Kryeministri Mickoski.
