Kryeministri Hristijan Mickoski, gjatë një vizite në klinikën e rikonstruktuar për vesh, hundë dhe fyt pranë Qendrës Klinike Universitare “Nëna Terezë”, në pyetjen gazetareske lidhur me paralajmërimin për tetë investime të reja deri në fund të vitit, të cilat pritet të sjellin vende të reja pune dhe një standard më të lartë jetese në Maqedoni, theksoi se bëhet fjalë për investime jashtë industrisë automobilistike, e cila deri më tani ka qenë pjesa më e madhe e portofolit maqedonas, gjegjësisht, ato janë pjesë e industrisë farmaceutike, investimeve në industrinë e energjetikës dhe industrisë për prodhimin e sistemeve të baterive për energji elektrike nga burime të rinovueshme.
“Këto janë investime që janë jashtë atyre investimeve që deri tani vinin në fushën e industrisë automobilistike. Këto janë investime në industrinë farmaceutike, në industrinë që merret me prodhimin e sistemeve të baterive, dy janë zgjerime të kapaciteteve ekzistuese të këtyre kompanive, dhe të tjerat janë në sektorin e energjetikës”, u përgjigj kryeministri Hristijan Mickoski.
