Më 13 maj 2025, në rrugën “Nora e Hotit” në Prishtinë, është arrestuar Driton Ibishi, rreth 52-vjeçar ndaj të cilit ekzistonte një urdhër arrest aktiv ndërkombëtar, i lëshuar nga ILECU (Njësia për Bashkëpunim Ndërkombëtar në Zbatim), raporton gazeta Sinjali.
Mësohet se Ibishi tashmë është prangosur dhe për këtë është vënë në dijeni prokurori kompetent.
Në janar të vitit të kaluar u hap hetimi ndaj 15 personave ku bënte pjesë edhe Driton Ibishi pjesë e grupit kriminal ndërkombëtarë nga Gërçeci.
Grupi dyshohet të ketë kryer transport ndërkombëtar të drogës– kokainë edhe atë në dy raste me sasi të mëdha: e para 435 kilogram nga Brazili, përmes Belgjikës dhe ka arritur në Maqedoni të Veriut dhe e dyta nga Peru në Amsterdam dhe është futur në tregun vendas.
