Skuadra U18 e FC Shkupit ka arritur një sukses të madh duke u shpallur kampione e Maqedonisë së Veriut për sezonin 2024/25, për të dytin vit me radhë. Ekipi i talentuar i të rinjve siguroi titullin pas një fitoreje të thellë 3-0 ndaj Rabotnickit në xhiron e parafundit të kampionatit.
Ky triumf tregon edhe një herë se akademia e klubit po funksionon në mënyrë të shkëlqyer dhe se e ardhmja është në duar të sigurta. Përveç titullit të kampionit, Shkupi U18 synon tani edhe Kupën e Maqedonisë, teksa në ditët në vijim do të luajë finalen e madhe për të kompletuar një sezon historik me dy trofe.
Urime të përzemërta të gjithë djemve dhe stafit për këtë sukses të merituar!
