Sekretari i përgjithshëm i ASH -Taravari, Blerant Ramadani tha se ajo për të cilin kishin dyshuar, se tre liderët e tjerë të koalicionit po punonin kundër tyre, doli në pah tani, shkruan TV21. Ramadani tha se në momentin që ASH vendosi të dalë me lista të veçanta për këshilltarë, u zbeh besimi ndërmjet partnerëve.
“Ndodhitë e fundit në koalicionin VLEN neve na lënë të kuptojmë se atje kishim një lloj pamaturie të deklarimeve të disa udhëheqësve të ish-partnerëve tanë apo nëse mund t’i quaj ende partnerëve tanë pasi që në një moment kur ne vendosim për të dalë me lista të veçanta për këshilltarë, disi sikur u zbeh ai besimi ndërmjet dhe doli në pah ajo për të cilën ne dyshonim brenda ASH-së se mos vallë partnerët tanë janë të koordinuar karshi neve si ASH”, tha Blerant Ramadani.
Dyshonit se punonin kundër juve brenda koalicionit?
Jo kundër por njëfarë brendakonkurrence, mirëpo kur janë tre të koordinuar dhe je vetë, ajo faktikisht ta pamundëson të veprosh si subjekt brenda koalicioni. Përskaj të gjitha këtyre dyshimeve dhe informacioneve që i kishim, ne ishim të vendosur që të qëndrojmë në koalicionin VLEN”, tha Ramadani.
https://www.facebook.com/tv21hd/videos/670570735795579/?ref=embed_video
