Ministri i Çështjeve Evropiane, Orhan Murtezani, ka dhënë një lajmin e shumëpritur për qytetarët e vendit tonë. Ai ka njoftuar se gjatë diskutimit të sotëm në Kretë, kanë biseduar për të ardhmen e EUSAIR-it, strategjinë e cila tashmë 10 vite ndërton lidhjen rajonale dhe mbështet integrimin evropian.
“Si vend i cili së shpejti do të marrë kryesimin me këtë strategji, e ndava vizionin e Maqedonisë së Veriut për makrorajon Adriatiko-jonian më të fortë, më dinamik dhe më të lidhur. Përmes infrastrukturës më të mirë, përfshirjes digjitale, pjesëmarrjes më të madhe të të rinjve dhe bashkëpunimit të hapur me sektorin civil dhe privat, mund të krijojmë një hapësirë të vërtetë për rritje të përbashkët”, ka njoftuar Murtezani.
Ai ka shtuar se Maqedonia e Veriut do të marrë edhe koordinimin me shtyllën tematike “Lidhja e rajonit”, përmes së cilës do të iniciojmë projekte të cilat e fuqizojnë lidhjen ekonomike, institucionale dhe njerëzore në rajon.
