Me aktivitete të shumta në fshatin Sllupçan të komunës së Likovës u shënua 2 Maji – 24 vjetori…
Me aktivitete të shumta në fshatin Sllupçan të komunës së Likovës u shënua 2 Maji – 24 vjetori i fillimit të luftës së UÇK-së dhe shpalljes së zonës së lirë të Karadakut.
Manifestimi qendror u mbajt si tradicionalisht në kompleksin e dëshmorëve në fshatin Sllupçan, ku morën pjesë ish-luftëtarë të UÇK-së, veteran të luftës, familjarë të dëshmorëve të rënë në altarin e lirisë, si dhe mysafirë të shumtë. Para të pranishmëve u përkujtua lufta e vitit 2001 dhe dobitë e saj për popullin shqiptar, pa u harruar ushtarët dhe dëshmorët që flijuan jetën e tyre.
“Sot më dy maj,përulemi me nderim dhe krenari për sakrificën e bijave dhe bijtë e tonë që dhanë jetën për liri”, u shpreh ish-ushtar i UÇK-së, babai i Neale Zimberit, Ibrahim Zimberi.
“Ta festojmë edhe për shumë vite festën e 2 majit me krenari dhe të qëndrojmë të gjithë të bashkuar.Lavdi dëshmorëve të kombit! I përjetshëm qoftë kujtimi për ta!”, theksoi familjari i dëshmorit, Ramiz Demiri, Orhan Demiri.
“2 Maji nuk është një ditë e zakonshme në kalendarinë tonë kombëtarë.Është një datë që flet me zë të lartë për sakrificën për qëndresën dhe për idealin më të lartë të njeriut e cila është lira”, u shpreh nipi i dëshmorit, Qemal Shaqiri, Qemal Shaqiri.
Fjalim mbajti edhe kryetari i BDI-së, Ali Ahmeti.
“Këto ngjarje përkujtohen, që e kaluara të mos harrohet.Këto ngjarje përkujtohen për t’ua përkujtuar të gjithë atyre që duan të cënojnë dhe të rrezikojnë liritë tona të fituara me gjak dhe jo të dhëna dhurat nga dikush”, theksoi kryetar i BDI-së, Ali Ahmeti.
Nga koalicioni shqiptar në Qeveri VLEN thonë se kjo datë është një amanet, që rikujton brezat e rinj për gjakun e derdhur.
“Data 2 Maj është më shumë se një përvjetor, është një amanet. Është dita që i rikujton brezave të rinj për gjakun e derdhur, për nënat që dhanë djemtë e tyre për barazi e drejtësi, për dëshmorët që lanë pas emrin e tyre të shkruar në pllakatat e përjetësisë”, thanë mes tjerash nga VLEN.
Në kuadër të shënimit të 2 Majit u bënë homazhe për të gjithë martirët e rënë.
