Republika e Kosovës ka hapur Ambasadën e saj në Kuala Lumpur, Malajzi.
Në ceremoninë e përurimit mori pjesë presidentja e Kosovës, Vjosa Osmani, e cila deklaroi se kjo ambasadë përfaqëson një dritare të re për vendin, duke hapur mundësi të reja për bashkëpunim më të thellë me Malajzinë.
Postimi i plotë i presidentes Osmani:
“Sot hapëm Ambasadën e Republikës së Kosovës në Kuala Lumpur, Malajzi.
Një dritare e re për vendin tonë, me plot mundësi për bashkëpunim edhe më të thellë me Malajzinë.
Një prani edhe më e fuqishme diplomatike në një nga rajonet më strategjike në Azi.
Një shtëpi më shumë e Kosovës, ku do të avancohen interesat e qytetarëve tanë, do të fuqizohen aleancat tona dhe do të mbrohet me vendosmëri shenjtëria e sakrificës së popullit të Kosovës për liri e shtet.”
