Federata e Futbollit të Maqedonisë me në krye presidentin e ri, Masar Omeragiq, vazhdon bashkëpunimin e ndërsjellë me UEFA-n, përmes të cilit përfitojnë edhe klubet vendore.
Kështu si pjesë Fondit të Solidaritetit nga UEFA, të gjitha klubet e Ligës së Parë, përfshirë këtu FC Shkupin, Shkëndijën, Besën e Dobërdollit, Voska Sportin, Struga Trim Lum, Vardarin, Tikveshin, Sileksin, Rabotniçkin, Pelisterin, AP Brera, brenda 45 ditëve kanë përfituar nga 241 mijë euro, me përjashtim të Gostivarit.
Në konton e kësaj të fundit kanë përfunduar vetëm 91 mijë euro nga sezoni 2023/24, derisa për sezonin aktual, kjo skuadër nuk ka marrë shumën e 150 mijë eurove, për shkak dokumentacionit jo të rregullt.
Pra secila skuadër veçmas ka përfituar nga 241 mijë euro (91 mijë euro për sezonin 2023/24 dhe 150 mijë euro për sezonin 2024/25), derisa nga sezoni i kaluar kanë përfituar gjithashtu nga 91 mijë euro, edhe Makedonija GJ.P dhe Bregallnica.
Këto mjete klubeve do ju shërbejnë për bashëkinvestime dhe bashkëfinancime për zhvillimin e futbollit të të rinjve, kryesisht në fusha stërvitore me bari artificial, që ju kanë shërbyer pikërisht ekipeve të moshave.
Një shifër relativisht e majme, që padyshim do të jetë një ndihmesë e madhe për klubet përfituese dhe akademitë përkatëse, pasi përbën një buxhet të rëndësishëm për funksionimin e tyre.
