31 vjeçari Alajdin Sulejmani nga Haraçina,është i riu që sot pasdite humbi jetën si pasojë e të shtënave me armë zjarri që ndodhën në lagjen Duqanxhik, në afërsi të Bit Pazarit.
Alajdini u dërgua me urgjencë në Klinikat e Shkupit, por fatkeqësisht nuk i mbijetoi plagëve.
Autoritetet kanë nisur hetimet për zbardhjen e plotë të ngjarjes dhe identifikimin e autorëve.
Alajdini është djali i të ndjerit Nazmi Sulejmanit – Komandant Arusha nga Haraçina.
