Barcelona ka bërë rikthim sensacional të shtunën në ndeshjen dramatike ndaj Celta Vigos, që përfundoi 4:3.
Fitorja u arrit vetëm falë golit të shënuar nga braziliani në super formë, Raphinha, i cili shënoi gol nga penalltia në minutën e 97-të.
Ai përfitoi nga penalltia që e siguroi Dani Olmo, i cili u pengua në zonë në mënyrë të palejuar. Gjyqtari e pa situatën në VAR dhe vendosi për penallti. Më pas Raphinha nuk gaboi dhe Barcelona mori pikët e plota.
Barcelona mbetet ende lidere dhe i afrohet edhe më shumë titullit. Në vendin e parë ka 73 pikë.
Pjesa e parë e ndeshjes së xhiros së 32-të përfundoi 1:1. Ferran Torres shënoi për Barcelonën në minutën e 12-të, ndërsa Borja Iglesias i barazoi shifrat në minutën e 15-të.
Iglesias, që në këtë ballafaqim realizoi “hat-trick”, realizoi në minutën e 52-të dhe të 62-të për 3;1.
Olmo realizoi në 3:2 në minutën e 64-t, ndërsa Raphinha i barazoi shifrat katër minuta më vonë në 3:3.
Raphinha e mori përsipër edhe ekzekutimin e penalltisë për t’ia siguruar skuadrës së tij pikët e plota.
Raphinha tani ka 15 gola e nëntë asistime në edicionin aktual në La Liga. Ai po shquhet edhe me shumë asistime.
Prej fillimit të vitit 2024, vetëm Mohamed Salah ka më shumë asistime se Raphinha. Salah ka 29 asistime prej asaj kohe, ndërsa Raphinha 26 gjithsej.
