Ministrja e Energjetikës, Minierave dhe Burimeve Minerale, Sanja Bozhinovska, është angazhuar në mënyrë aktive në nismën rajonale "Women on Boards Adria" (WOBA), që synon forcimin e lidershipit të grave në nivelet më të larta menaxheriale – në borde, këshilla ekzekutivë dhe institucione kyçe.
Si ambasadore e WOBA për Maqedoninë, Bozhinovska mori pjesë në një takim pune me
ambasadorë të tjerë nga rajoni, ku fokusi ishte në hapat praktikë për rritjen e përfaqësimit të grave në vendimmarrje – jo si formë, por si thelbi i lidershipit bashkëkohor. Ministrja e përdori këtë platformë për të theksuar rëndësinë e grave në role udhëheqëse, e cila është në përputhje me objektivat strategjike të Ministrisë për krijimin e një mjedisi të drejtë dhe konkurrues ekonomik.
‘Barazia gjinore në menaxhimin e institucioneve dhe kompanive nuk është vetëm çështje barazie dhe përfaqësimi i drejtë, por një parakusht kyç për qeverisje moderne, të përgjegjshme dhe gjithëpërfshirëse. Si ministre, qëllimi im është të krijoj kushte ku gratë jo vetëm që do të kenë qasje në pozicionet vendimmarrëse, por gjithashtu do të njihen dhe vlerësohen për kontributin e tyre. Kjo është arsyeja pse unë mbështes çdo proces që hap derën për më shumë gra në vendimmarrje’, theksoi ministrja Bozhinovska.
Ajo shtoi se Ministria e Energjetikës po punon në mënyrë aktive në politika që promovojnë
mundësi të barabarta, veçanërisht në sektorët ku gratë tradicionalisht kanë qenë më pak të
përfaqësuara, siç është energjia. Si pjesë e axhendës së WOBA, ministrja gjithashtu mori pjesë në një ngjarje rrjetëzimi kushtuar frymëzimit të lidershipit, guximit dhe ndikimit, ku udhëheqësit nga rajoni diskutuan mbështetjen rajonale për gratë në role kyçe dhe mjetet konkrete që u nevojiten për të përforcuar zërin e tyre në qeverisje.
Nisma ‘Gratë në borde " mbron ndryshime sistemike përmes rrjetëzimit, bashkëpunimit të drejtpërdrejtë me institucionet dhe sektorin e biznesit dhe programeve të mentorimit.
Ministria e Energjetikës, Minierave dhe Burimeve Minerale është e angazhuar për krijimin e
politikave dhe programeve që do të rrisin përfaqësimin e grave në proceset vendimmarrëse, duke kontribuar në konkurrencën ekonomike dhe kohezionin social. Pjesëmarrja e ministres Bozhinovska në WOBA është vetëm një hap drejt realizimit të këtij vizioni.
Bozhinovska me ambasadoret e WOBA: Lidershipi nuk është privilegj mashkullor
