Në Librin e Ngushëllimeve në Kuvendin e Republikës së Maqedonisë së Veriut, i hapur pas zjarrit në diskotekën “Puls” në Koçan, sot u nënshkrua edhe zëvendëskryeministri Izet Mexhiti.
‘Në këtë moment zie, fjalët janë të pamjaftueshme për të shprehur gjithë trishtimin. Por, gjithashtu ky është një moment reflektimi. Si zëvendëskryeministër, premtoj se kjo tragjedi nuk do të kalojë pa drejtësi.’, ka shkruar mes tjerash Mexhiti.
Postimi i plotë:
Sot nënshkrova në Librin e Zisë për humbjen tragjike të 59 të rinjve në Koçan. Është një humbje e madhe.
Është një dhimbje që nuk mund të përshkruhet me fjalë.
Në këtë moment zie, fjalët janë të pamjaftueshme për të shprehur gjithë trishtimin. Por, gjithashtu ky është një moment reflektimi. Si zëvendëskryeministër, premtoj se kjo tragjedi nuk do të kalojë pa drejtësi.
Dhe, për të siguruar që një tragjedi e tillë të mos përsëritet më kurrë, do të veprojmë për të parandaluar neglizhencën dhe abuzimin me pushtetin.
Ngushëllimet më të sinqerta për familjet e viktimave, miqtë dhe të gjithë Maqedoninë e Veriut!
