29 gradë në Shkup, temperatura shumë të larta për këtë kohë
Para nesh një fundjavë verore në pranverë
Në Shkup, mot me diell dhe i ngrohtë me vranësira të lehta deri mesatare. Do të fryjë erë mesatare deri e fortë nga drejtimi jugor. Temperatura do të lëvizë nga 10 deri në 29 gradë.
Temperatura jashtëzakonisht të larta për këtë periudhë të vitit kanë përfshirë Maqedoninë, ndërsa Shkupi sot është pranë vendosjes së një rekordi të ri. Sipas meteorologëve, kryeqyteti mund të arrijë pothuajse 30 gradë Celsius – diçka që deri më tani nuk është shënuar në mars.
Maqedonia sot do të shijojë mot me diell dhe të ngrohtë me vranësira të lehta deri mesatare, por pasditja sjell paqëndrueshmëri në disa pjesë të vendit.
Do të fryjë erë mesatare, dhe herë pas here e fortë nga jugu, e cila në disa zona mund të arrijë një shpejtësi mbi 60 kilometra në orë. Në orët e pasdites dhe mbrëmjes, pjesët veriperëndimore të vendit do të jenë nën ndikimin e një mase ajrore të paqëndrueshme, e cila mund të shkaktojë reshje të shkurtra shiu dhe bubullima.
Temperaturat minimale të mëngjesit do të lëvizin nga 5 gradë në Berovë deri në 11 në Gjevgjeli, ndërsa ato maksimale ditore nga 20 në Mavrovë dhe 29 gradë Celsius në Shkup.
Në Shkup, mot me diell dhe i ngrohtë me vranësira të lehta deri mesatare. Do të fryjë erë mesatare deri e fortë nga drejtimi jugor. Temperatura do të lëvizë nga 10 deri në 29 gradë.
