Si pasojë e aksidentimit të një autobusi në Duboc të Vushtrrisë, shoferi ka humbur jetën ndërsa disa nxënës kanë mbetur të lënduar.
Lajmin e ka bërë të ditur kryetari i kësaj komune, Ferit Idrizi, i cili ka thënë se nxënësit po trajtohen në emergjencën e Spitalit “Sheikh Zayed” në Vushtrri, shkruan Insajderi.
“Me pikëllim të thellë mora lajmin për një ngjarje tragjike që ka ndodhur në komunën tonë gjatë paradites së sotme.
ADVERTISING
Në një aksident që ka ndodhur gjatë transportit të nxënësve nga fshati Duboc, komuna jonë ka humbur një burrë të ndershëm e një qytetar të përgjegjshëm, shoferin e kësaj linje, Hajzer Sadiku, ndërsa janë lënduar edhe disa nxënës, të cilët tashmë janë duke marrë trajtim në Emergjencën e Spitalit “Sheikh Zayed” në Vushtrri
Në emër të Komunës tonë, i shpreh ngushëllimet më të thella familjes Sadiku, ndërsa nxënësve të lënduar ju uroj shërim sa më të shpejtë”, ka thënë Idrizi. /Insajderi.org/
