Edhe pse nuk e ka shumicën absolute të votave, kryeministri në largim Albin Kurti sot u shpreh i bindur se ai do të udhëheq përsëri me qeverinë e re.
I pyetur nga gazetarët për krijimin e qeverisë së re, Kurti u shpreh se fillimisht po e pret certifikimin e rezultateve.
“Së pari rezultatet përfundimtare, pastaj certifikimi, pastaj bisedimet, pastaj qeveria e sigurtë e udhëhequr nga Vetëvendosja dhe unë”, tha ai.
Nga ana tjetër, kryetari i Kuvendit Glauk Konjufca ka deklaruar se do të krijojnë qeverinë së bashku me pakicat joserbe. /Insajderi.org
