Me dhënien e 51 vendimeve të reja në arsim, Komuna e Çairit ndërmori një hap të rëndësishëm në përmirësimin e sistemit arsimor, duke krijuar kushte më të mira për mësimdhënësit dhe nxënësit.
Ky vendim konfirmon përkushtimin tonë për zhvillimin e arsimit si një shtyllë kyçe të komunitetit tonë. Kryetari i Komunës së Çairit, z. Visar Ganiu, së bashku me Zëvendësministrin e Arsimit, z. Lulzim Aliu, dhe përfaqësues të institucioneve arsimore, theksuan rëndësinë e këtij hapi për stabilitetin dhe cilësinë e arsimit në Çair.
Këto 51 vendime sigurojnë:
Rritje të kapaciteteve të mësimdhënësve në institucionet arsimore.
Përmirësim të kushteve të punës dhe të cilësisë së mësimdhënies.
Krijimin e një mjedisi më të favorshëm për nxënësit dhe arsimtarët.
Në këtë ceremoni u shënua edhe 7 Marsi – Dita e Mësuesit, ku u nderuan mësuesit për kontributin e tyre të jashtëzakonshëm në edukimin e brezave të rinj, si dhe 8 Marsi – Dita Ndërkombëtare e Gruas, duke vlerësuar rolin e grave në arsim dhe në të gjitha sferat e jetës shoqërore.
Komuna e Çairit mbetet e përkushtuar për të investuar në arsim dhe për të ndërtuar një sistem më cilësor dhe më të qëndrueshëm, duke siguruar kushte më të mira për të gjithë nxënësit dhe mësimdhënësit.
Arsimi është prioriteti ynë – investimi në edukim është investim në të ardhmen!
https://www.facebook.com/share/p/1A8jwbuyH9/
