Krijuesit e “botës serbe”, që nuk është gjë tjetër veçse një emër tjetër për tentativën e realizimit të projektit “Serbia e Madhe”, presidenti i entitetit më të vogël boshnjak Milorad Dodik dhe presidenti i Serbisë Aleksandar Vuçiç, po hyjnë në kapitullin e fundit të sundimit të tyre të pasuksesshëm. Kështu tha ministri i Mbrojtjes i BeH, Zukan Helez, i cili gjithashtu ka shprehur shqetësimin e tij rreth asaj se çka do të ndodh me 15 mars në Beograd, dita kur studentët e Serbisë kanë paralajmëruar një protestë të madhe studentore, shkruan Vijesti.ba
“Më duhet të them se kam frikë nga 15 marsi, kur u paralajmërua një protestë e re studentore në Beograd, të cilës Vuçiq tha se do të përgjigjet. Unë sinqerisht shpresoj që protestat të mos rezultojnë me dhunë nga regjimi ndaj qytetarëve të vet”, thotë ai.
Ai thotë se nëse do të kishin ndonjë ndjeshmëri për njerëzit ndaj të cilëve betohen për besnikëri, Vuçiq dhe Dodik do të tërhiqeshin në mënyrë paqësore dhe do t’i jepnin fund sundimit të tyre të pasuksesshëm, duke lejuar që rajoni të merrte frymë më në fund, të zhvillohej ekonomikisht dhe më në fund të dilte nga balta nacionaliste që ka zhytur që nga vitet 1990.
