Kryetari i komunës së Tetovës, Bilall Kasami, ka nderuar 27-vjetorin e rënies heroike të komandantit legjendar Adem Jashari dhe nisjen e Epopesë së UÇK-së.
Në një mesazh, Kasami theksoi se “5 marsi është një rikujtim i fuqishëm për unitetin, qëndrueshmërinë dhe vlerat që na bashkojnë si komb. Kjo ditë shënon nisjen e Epopesë së UÇK-së dhe kujtojmë heroizmin dhe sakrificat e atyre që e bënë të mundur arritjen e lirisë, duke iu përkushtuar atdheut dhe duke sakrifikuar gjithçka për të ardhmen e brezave të ardhshëm.”
Duke nderuar komandantin legjendar Adem Jashari në këtë 27-vjetor, Kasami e cilësoi familjen Jashari si simbol të sakrificës, guximit dhe dashurisë për atdhenë. Ai shtoi se “Jasharajt janë vetë historia jonë, shembuj të besnikërisë dhe trimërisë për kombin dhe lirinë!”
