Bartësi i listës së Partisë Demokratike të Kosovës, Bedri Hamza, ka mbajtur një konferencë për media pas përfundimit të zgjedhjeve.
Hamza tha se nuk do të përfshihen në asnjë koalicion me Lëvizjen Vetëvendosje.
“Albin Kurti premtoi 500 mijë votë por nuk i mori, sot shumica e qytetarëve që votuan nuk duan që e njëjta qeveri të vazhdojë. Ne nuk do të përfshihemi në asnjë koalicion me Vetëvendosjen, nuk kanë pasur as program gjatë fushatës ikën edhe nga studiot për përballje televizive, ata nxitën urrejtjen”, u shpreh Hamza.
Më tutje Hamza tha se në këto zgjedhje qytetarët kanë fuqizuar opozitën.
“Ne do të ndërmarrim hapa të nevojshëm, ne do të punojmë që të iu japim qytetarëve qeverinë për të cilën kanë votuar. Ne do të punojmë fort për ta mbrojtur Kosovën për ma mirë.
Hamza para mediave foli edhe për formimin e qeverisë.
“Partisë së parë i takon të formojë institucionet, nëse nuk mundet opozita mund të tentojë ta formojë qeverinë. Ne si parti opozitare ulemi dhe negociojmë me partitë opozitare të tjera”.
