Natasha Kërstevska Caleva do të udhëheqë me Prokurorinë e Lartë në Shkup derisa të përfundojë procedura penale kundër Mustafa Hajrullahit. Këshilli i Prokurorëve njëzëri votoi që ajo të marrë “timonin” e kësaj prokurorie dhe përkohësisht të ushtrojë këtë funksion, teksa paraprakisht vlerësuan se ajo është e denjë, e aftë dhe një ndër më të mirat në mesin e prokurorëve dhe ka treguar rezultate cilësore në të kaluarën.
“Anëtarët e Këshillit të Prokurorëve vlerësojnë se bëhet fjalë për një prokurore publike, e cila është profesioniste në punën e saj. Deri më tani nuk ka pasur asnjë vërejtje ndaj punës së saj, pra është prokurore me integritet dhe vlerësojmë se аjo në mënyrë të suksesshme mund të kryejë këtë detyrë që i është dhënë.”, – deklaroi kryetarja e Këshillit të Prokurorëve, Dushica Dimitrievska.
