Janë zbuluar rrogat e pilotëve të Formula-s 1 për sezonin 2025. Pas testimit të makinave, pilotët do ta kenë startin e tyre të parë në Çmimin e Madh të Australisë, më 16 mars.
Kampioni në fuqi është Max Vertappen, piloti i Red Bullit i cili fitoi katër tituj të kampionatit botëror në Formula 1 që nga viti 2021. Pikërisht holandezi është shoferi më i paguar në vitin kalendarik, me një pagë që vlerësohet të jetë rreth 65 milionë dollarë amerikane, shkruan Indeksonline
I dyti me pagën më të lartë është Lewis Hamilton, i cili nënshkroi kontratë me Ferrarin. Pilotit britanik iu rrit rroga deri në 10 milionë euro dhe tani merr plotë 60 milionë dollarë.
Piloti tjetër i Ferrarit, Charles Leclerc, është i treti më i paguari. Ai merr deri në 34 milionë dollarë amerikanë.
Pagën më të ulët e ka piloti i Racing Bulls, Isack Hadjar. Ai merr vetëm 500 mijë apo 1 milion dollarë amerikanë.
